詹天文澄清與文佐匡緋聞對拍拖隨緣 獲歌迷租LED廣告板預祝19歲生日

星夢小花詹天文（Windy）即將踏入19歲，呢日歌迷租咗大型LED廣告板為偶像預祝3月2號生日，Windy親自到現場跟歌迷見面，同大家一齊打卡留念。
詹天文獲fans預祝 19歲生日。
Windy有一段時間冇見歌迷，今次好開心見到歌迷，同埋見到個LED廣告板，頓時感覺好壯觀，Windy笑指第一次睇嗰陣覺得好尷尬，而家有啲經驗再睇番，Windy好感恩歌迷送上呢份咁好嘅禮物。
詹天文有求必應，同fans影自拍。
Windy今年生日願望係食極唔肥，仲想造多方面、唔同風格嘅好歌，同埋可以出多啲騷，把握多啲機會；Windy呢個生日願意好快就會實現，皆因佢即將推出新歌，呢首歌曲風好夢幻，Windy更不斷loop，好想一直再聽，希望大家聽到會鍾意。
Windy呢日特登去到LED前打卡。
除咗專注工作之外，Windy更澄清同文佐匡嘅緋聞，稱二人只係純屬朋友，Windy指自己鍾情陽光愛笑嘅男孩，佢話對愛情憑感覺，到時唔一定根據擇偶標準去揀，拍拖一事就隨緣，Windy直言目前未有拍拖對象。