導演霍耀良病逝 終年68歲 曾編導《網中人》等多套大熱劇集及電影

曾執導《失業生》、《公子多情》、《O記三合會檔案》、《龍在邊緣》、《赤裸羔羊》等電影嘅霍耀良，於上月傳出於病逝消息，經證實後，霍導在2024年2月1日因心臟病及腎癌，於沙田醫院病逝，終年68歲。
霍耀良
霍耀良 70年代曾於無綫電視當編導，佢曾參與《網中人》、《上海灘》、《輪流傳》、《親情》及《荳芽夢》等多套爆紅劇集嘅編導工作。80年代霍耀良開始涉足電影圈，曾執導由陳百強、張國榮主演嘅《失業生》，仲有周潤發、梅艷芳、李美鳳主演嘅《公子多情》，黃子華、袁詠儀、葉德嫻主演嘅《唔該借歪!!》等多齣電影。
霍耀良曾於《再見七日情》中演出。
除咗執導演筒外，霍耀良亦有以演員身份演出電影，佢更曾經憑電影《再見七日情》入圍1986年香港電影金像獎最佳男配角獎。

劇集《上海灘》《網中人》《公子多情》霍耀良執導電影《失業生》。