女生素舍丨「素食天后」鑽研新式素食菜單炮製蕃茄XO醬甘筍麵雞髀菇變身雞絲粉皮

由潘祖兒（Pamela）連同「為食女神」伍倩彤（Gillian）、「健康女神」葉靖儀（Michelle）主持、一連三星期逢周一至周五晚8點J2（82台）播映嘅煮食節目《女生素舍》，今晚將會首播。節目主打全素食材，煮出不一樣嘅齋菜，打破「好 Dry」、「啲味好假」、「初一十五先會食」嘅固有思維。

（左起）Michelle、Pamela 同 Gillian 主持《女生素舍》。

Michelle 同 Gillian 會用甘筍做出兩款美食。

Pamela曾喺倫敦藍帶廚藝學院學藝，以全素食者身份，鑽研新式素食菜單，開設私房菜藉此傳達健康素食理念，話你知其實素菜都好好食，「健康女神」葉靖儀講你知食素一啲都唔「寡」，一樣整到乾炒牛河、焗豬扒飯、西多士、雞尾包同蛋撻，茶餐廳款式樣樣齊。一種食材可以分別化身幾款食物，好似腐竹製成黑松露炒蛋、腐皮卷；雞髀菇變身雞絲粉皮、沙薑雞飯。

Gillian 拿住檸檬刨，打算用來刨甘筍。

今晚（10號）呢集Pamela會教大家用甘筍，分別做出蕃茄XO醬甘筍麵同海膽飯糰，到底有咩秘訣？味道又有幾多成相似？今晚同你分享。不過今集Gillian廚藝似乎有待考驗，首先佢唔知道豆腐乾同豆腐卜嘅分別，試圖用檸檬刨去刨甘筍被Pamela制止。Gillian喺搓飯糰嗰陣再失手，將三角型飯糰搓成壘球狀，整個過程非常遴迍，反而同屬新手嘅Michelle搓飯糰就有板有眼。

Gillian喺搓飯糰嗰陣再失手，將三角型飯糰搓成壘球狀。 Gillian整個過程非常遴迍。

Gillian接受訪問時澄清，煮三餸一湯嘅家常小菜絕無問題，廚藝絕非「地獄廚神」級，佢就話有煮嘢食，最拿手整蕃茄炒蛋，每人煮法都唔一樣，絕對食到家嘅感覺。佢又話之前拍拖鍾意煮飯仔，煮定飯等男朋友返屋企。男友做嘢辛勞一日，見男友食得開心，Gillian都會好開心，Gillian自言今次主持《女生素舍》獲益良多，學到新烹調手法及食材運用，好似第一集煮甘筍，普通一味食材居然如此多變，煮出不同餸菜同口味。

Michelle 切杏鮑菇時顯得手忙腳亂。健康女神」葉靖儀講你知食素一啲都唔「寡」，一樣整到乾炒牛河。

原來Michelle都喜愛入廚，中西餐甜品都會整，佢就鍾意煮畀屋企人同朋友食，鎮江骨、海鮮意粉識煮，整甜品鍾意整心太軟同曲奇餅，鍾意一路煮一路打卡，佢透露拍《CP訓練營》嗰陣，試過為黃潤褀（Jaxson）整日式便當，知道對方喜愛運動，便當有蝦、有蛋補充蛋白質，Michelle指假如將來有另一半，會為對方下廚，；《女生素舍》希望讓觀眾知道，要食得好唔一定要「大魚大肉」，素菜不只健康，而且色香味全，每集節目會提供各食譜嘅製作步驟及材料，等觀眾可以學以致用，簡簡單單在屋企就可以做到，體驗素食嘅好處！

每集《女生素舍》都提供食譜及製作步驟。呢集Pamela會教大家用甘筍，分別做出蕃茄XO醬甘筍麵。用雞髀菇製成的雞絲粉皮。乾炒牛河的牛肉用杏鮑菇切成。甘筍製作的蕃茄 XO 醬甘筍麵。飯糰用甘筍做餡料。用素牛油製作的西多士。