《中年2》選手林潔淇大女被保母虐殺 細女險遭掟落街＋患乳癌望以自身經歷鼓勵同路人

TVB歌唱真人騷《中年好聲音2》噚晚（17日）播出第二集共有24位選手登場，當中一共誕生兩位5燈選手。
劉可係今集第一位 5 燈選手，但佢拎咗 5 燈都好似冇咩特別咁。劉可解釋話今日唔係佢最佳狀態，激到肥媽彈起身問佢咩意思，場面搞笑。 陳慧嫻笑言劉可似飲醉酒。

第一位5燈選手係36歲劉可，佢挑戰女歌男唱獻唱莫文蔚《他不愛我》，憑獨特唱法贏得評審一致好評，惟佢獲得5燈後看似心事重重，周國豐笑言： 「佢係唯一一個拎咗5燈都好似冇事發生咁，好似仲唔開心過我哋！」劉可即皺着眉解釋：「因為前幾日感冒，又有啲咳……」肥媽聞言激動彈起身：「你依家咩意思，畀成5盞燈你，你話自己狀態好差？」場面搞笑。

第二位 5 燈選手係陳俞霏，佢嘅粉紫色短髮好搶眼，陳俞霏勁大膽改編《拒絕再玩》。陳慧嫻邊聽邊 un，好 enjoy 個表演。伍仲衡讚陳俞霏大膽改編玉置浩二嘅歌。

唱功了得嘅劉可性格較含蓄兼帶點搞怪，伍仲衡讚佢有性格：「我幾鍾意佢，咁樣先係Artist！」陳慧嫻笑言：「我覺得你好似飲醉！」引得全場大笑。第二位5燈選手係35歲陳俞霏，報稱係音樂搬運工，佢以一頭粉紫色短髮示人，甚有個性。陳俞霏選唱歌曲《拒絕再玩》，親自為歌曲重新編曲，其充滿個性嘅演出最終獲得5燈佳績，伍仲衡笑指玉置浩二嘅Melody都夠膽改，讚陳俞霏犀利，陳慧嫻大讚：「你個Rhythm（韻律）好出、好Groovy（時髦），我自己都一路聽一路喺度 䟴。」

60歲嘅林潔淇人生坎坷，連環遇上不幸事件。 林潔淇希望以自身經歷鼓勵同路人。

獻唱《舊夢不須記》嘅林潔淇雖然只獲1燈成績，但佢背後故事卻十分感人。60歲林潔淇係一名退休人士，亦係一名乳癌康復者：「乳癌之後做6個大手術，依家有11科要覆診，我係一個長期病患者，但我都好堅強，好想話畀同路人知道，病咗都可以有精彩人生。」林潔淇除咗患過大病，其人生經歷同樣坎坷：「最傷心嘅事係我個囡囡喺2個半月大時，畀保母虐待致命，呢件事纏繞咗我兩年，我日頭裝作冇事，但一收工就會好難過，一上車就會流眼淚。」 豈料壞事接二連三，後來輪到細女險出事：「後尾生咗細女亦都係婚姻破裂，佢個姑姐抱住佢衝去露台想掟佢落街，當時我用盡全身力量攬住佢衝出門 口。人生係好多經歷，當時我係冇晒錢，之後我好努力工作，捱大咗我個女兒， 依家個女鼓勵我參加比賽。」

」經歷人生種種，林潔淇全靠音樂治療心靈。林潔淇是一名退休人士，亦是一名乳癌康復者。

眼淺的肥媽和車婉婉感動到得爆喊，肥媽更哽咽解釋做「一燈大師」的原因。

經歷人生種種，林潔淇全靠音樂治療心靈：「我人生咁多經歷，都係全靠聽歌先可以堅強企喺度，希望遇到困難嘅人，可以好似我咁堅強，為你自己目標邁進，我得你哋都得㗎！」 眼淺嘅肥媽及車婉婉感動到得爆喊，肥媽哽咽解釋做「一燈大師」原因： 「好多人問我點解成日都畀燈，能夠企得上《中年》100 強唔係一件容易嘅事， 撳一撳燈唔係好難，我覺得每一個能夠企到上嚟，係值得我哋畀一盞燈嘅！」 場面感人。

林潔淇返到後台獲大家安慰，畫面有愛。

事後林潔淇姐姐受訪時，大拋勵志Bite 鼓勵同路人：「遇到幾多困難都好，你要知道你並唔係孤單，希望大家都可以把握人生嘅黃金機會，做你自己鍾意做嘅嘢，做你自己開心嘅嘢，唔好畀自己過去嘅事纏繞自己，將所有打擊變成燃料推動力，今生無悔、今生無憾。」


林潔淇拋出勵志金句：「唔好畀自己過去嘅事纏繞自己，將所有打擊變成燃料 推動力，今生無悔、今生無憾。」

《中年好聲音 2》逢周日晚9點翡翠台播映