冲遊泰國丨樂翊榆每晚以性感泳衣登場 裸歎椰子主題spa

泰國旅遊達人胡慧冲主持嘅旅遊節目《冲遊泰國》進入完結篇，29號晚一集，胡慧冲轉戰泰國蘇梅島，而今集壓軸登場嘅仲有「翻版劉心悠」之稱嘅樂翊榆。作為泳裝擔當嘅樂翊榆，喺餘下幾集都會着上唔同款式嘅火辣三點式登場，大曬34C身材。
樂翊榆每晚以不同三點式登場。
今集以一襲白色比堅尼亮相嘅樂翊榆，同時連環裸歎蘇梅兩款唔同嘅spa。率先試嘅係Cave Rai Ra Beach Spa，特點係以椰子為主題，以椰油、椰子作全身按摩推拿，做完全身散發陣陣椰香。淨係歎一款當然未能滿足樂翊榆，跟住佢先焗個泰式草藥薰蒸排毒，之反再以椰子成份物料，作全身磨砂，做足兩個鐘都只係2,000泰銖左右（約446港元），非常抵玩。
 樂翊榆背部全裸試酒店嘅熱石按摩。
而30號晚嘅一集，樂翊榆毫不吝嗇，換上另一款性感泳衣登場。先介紹W Koh Samui酒店，賣點係全部房間都係pool villa，超豪一間面積達3,200呎，有私人海灘、桑拿房，仲可以喺私人泳池歎floating breakfast，一晚盛惠32,000泰銖（約7,138港元）。酒店仲主打正宗日本懷石料理，收費平香港差不多一半。樂翊榆作為性感擔當，背部全裸試埋酒店的熱石按摩是理所當然，收費1小時3,500泰銖（約782港元）。
再試埋椰子spa。
而12月1號播出嘅終極一集，樂翊榆展示最後一套三點式泳衣，同時以性感姿態打泰拳，連胡慧冲都忍唔住。樂翊榆曾代表香港參選第四十八屆《 Miss Intercontinental 2019》比賽，獲「香港化學教父」Dr. K. Kwong在專頁上「加持」，因而被網民認識，贏得「翻版劉心悠」的稱號。她自小在英國長大，選美後未有加入娛樂圈，目前擔任BNO英國移民顧問，提供移民、住屋、揀地區、升學等的一條龍服務。

《冲遊泰國》星期一至五 22:30 J2 82台