成日演闊太嘅綠業演員蘇恩磁,啱啱度過咗佢70歲嘅生日,林秀怡、魯振順、監製潘嘉德等一眾好友就約埋一齊幫佢慶祝,佢哋買咗3個唔同口味嘅蛋糕,外加兩籠壽桃嚟同蘇恩磁賀壽,令到蘇恩磁相當開心。一眾好友為Auntie So慶祝70歲生日。蘇恩磁將生日飯局嘅相上載到社交平台,不過佢喺帖文度寫道:「多謝老友替我安排生日飯局,可惜昨天腸胃炎,未能盡慶,恢復體力後,再和大家好好聚一次。」希望Auntie So快啲好返,身體健康啦!