巴黎奧運開幕進入最後倒數,TVB將為香港市民直擊精彩賽事,呢日奧運節目主持鍾志光、朱凱婷、方力申、黃翠如、鄭衍峰、陸浩明、潘靜文、何泳芍等,聯同一眾專業評述員現身記招公佈詳情,屆時翡翠台節目《東張西望》及處境劇《愛回家·之開心速遞》將會提前播出,而其他常規節目將會暫停,為奧運讓路。各主持分別預告賽事播出時段,而第一個重頭戲當然就係7月26號香港時間深夜一點,2024巴黎奧運開幕典禮,屆時翡翠台將全程為觀眾直擊。巴黎奧運開幕進入最後倒數,TVB將為香港市民直擊精彩賽事。
翠如好快就會出發去巴黎採訪奧運,佢曬出啱啱收到新鮮出爐嘅奧運天書,佢會開始努力溫書,希望到時帶畀大家更加豐富嘅資訊。
小方同翠如一樣出發在即,身為前香港游泳代表隊嘅一員,小方特別關注呢個項目嘅賽事,呢位大師兄仲話好期待今屆出戰奧運嘅七位香港泳手可以創出佳績。
小方同翠如好快就會出發去巴黎採訪奧運。
小方旗下泳會嘅九歲選手成績優異,但因屬會級別問題無法參加分齡錦標賽,經過小方努力爭取,小朋友終於可以參賽,事件引起社會關注,小方就話會提交意見書畀泳總,希望放寬參賽標準,令所有優秀嘅選手都有公平競爭嘅機會。身為前香港游泳代表隊嘅一員,小方特別關注呢個項目嘅賽事。
小方呢日仲好開心分享之前喺溫布頓網球公開賽同湯告魯斯集郵成功,原來小方一直視對方為偶像,出名親民嘅靚佬湯,即刻送咗個親筆簽名畀小方!小方之前喺溫布頓網球公開賽同湯告魯斯集郵成功,原來小方一直視對方為偶像。