譚嘉儀冰火玩水 梁敏巧曬豐胸 待嫁王子涵瘦身成功騷成果

踏入中夏天時暑熱， 日日都幾乎三十幾度高溫，連天文台都呼籲港大巿民要小心中暑，日前二十四氣節嘅大暑，即係每年最熱嘅日子，譚嘉儀(Kayee)、王子涵(Dada)、梁敏巧(Maggie)同鄧依婷幾位好姊妹就相約到主題樂園享受日光浴，重點係佢哋各人都以性感泳裝上陣曬Body，各展美態顯露索爆身材。

王子涵、梁敏巧、譚嘉儀同鄧依婷一齊大曬美妙身段

東張女神梁敏巧(Maggie)雖然看似好低調穿上黑色泳裝，但蘊藏乾坤，令其豐滿上圍呼之欲出，玲瓏浮凸身材表露無遺，不失優雅大方性感。身材嬌小嘅嘉儀向來毫不吝嗇身材，不時都會Post出火辣泳衣照派福利，今次都唔例外穿上一套彩藍色三點式示人，仲一邊食住雪條消暑，一邊玩水，非常疏肝。而伊婷就貫徹始終大曬平均身材。

全黑打扮嘅梁敏巧不吝大騷身材

Dada都唔輸蝕，輕露身材，見佢比之前瘦咗又Fit咗好多，唔知係咪同佢傳出就快結婚而努力減肥有關呢？因為Dada已經名花有主，自從去年重投平凡人生，過住OL生活後，更公開與男友周先生拍拖周年紀念，當時人人都以為佢係結婚，不過Dada就否認喜訊，仲話有好消息一定會同大家分享。

嘉儀約埋幾位姊妹齊齊玩水，似乎非常享受悠閒時光

而嘉儀將呢輯火辣泳裝照擺上網後，幾位好姊妹都回味當日嘅狀況，Maggie抵死留言：「我見到你都興烚烚(㷫烚垥)。」而嘉儀則回應：「睇到就興(㷫)，係咪想打我。」Dada亦引用嘉儀演唱嘅名曲留言：「真係熱到「陪著你嘔」。」睇得出幾位除咗好啱玩之外，都真係好好朋友。