林峯Cute爆攬多啦A夢公仔打卡 袁偉豪 黎諾懿把握親子時光

人氣大熱、再度成為「少女殺手」嘅林峯密密接Job頻做「空中飛人」，日前佢就以一身休閒打扮現身尖沙嘴星光大道一個展覽，而黎諾懿、袁偉豪亦各自帶小朋友參觀呢個展覽。

林峯日前以一身休閒打扮現身尖沙嘴星光大道一個展覽。

阿峯攬實公仔擺設興奮打卡之餘，不忘搵自己嘅卡通人形立牌合照留念。而阿峯呢個人形立牌造型，係參照佢早前代表電影《九龍城寨之圍城》出席第77屆康城影展嘅西裝造型繪製，而阿峯嘅Fans亦留言激讚「洛軍得意過多啦A夢」。

阿峯呢個人形立牌造型，係參照佢早前代表電影《九龍城寨之圍城》出席第77屆康城影展嘅西裝造型繪製。

唔少網民重提早前阿峯擔任鄭秀文演唱會嘉賓嘅造型「型到漏電」，拎佢喺內地活動時嘅造型作對比，普遍認為阿峯喺香港嘅造型回春似王子多啲同時大家都好期待阿峯入紙成功，明年重返紅館開騷。

唔少網民重提早前阿峯擔任鄭秀文演唱會嘉賓嘅造型「型到漏電」。

阿峯舊拍檔鍾嘉欣早前出席活動時表示好恨睇阿峯9月嘅澳門演唱會，更想擔任演唱會嘉賓，同阿峯合唱《心領》兼重現《溏心風暴》經典場面。嘉欣嘅粉絲就反而更想阿峯現身嘉欣喺8月舉行嘅廣州演唱會，令CP粉非常期待。
 
阿峯舊拍檔鍾嘉欣早前出席活動時表示好恨睇阿峯9月嘅澳門演唱會，更想擔任演唱會嘉賓。諾懿帶埋兒子小春雞享受主題美食，人仔細細嘅小春雞同擺設合照時擺足專業姿勢。

而黎諾懿、袁偉豪及張寶兒就各自帶埋小朋友參觀呢個展覽，雖然袁偉豪同寶兒嘅兒子「袁咕碌」袁晞祐只係得8個月大，需要爸爸用孭帶孭住，不過「袁咕碌」身上裝扮亦襯足主題，又對擺設非常好奇，不時伸出手摸吓。至於諾懿帶埋兒子小春雞享受主題美食，人仔細細嘅小春雞同擺設合照時擺足專業姿勢，十足小明星一樣。
雖然袁偉豪同寶兒嘅兒子「袁咕碌」袁晞祐只係得8個月大，需要爸爸用孭帶孭住，不過「袁咕碌」身上裝扮亦襯足主題。