狄易達退居幕後身手依然勁 與香港霹靂舞代表商場Battle

巴黎奧運經過十幾日激烈競逐之後，凌晨正式閉幕，今屆除咗唔少傳統運動比賽之外，霹靂舞更首次成為正式比賽項目，令唔少年青人都投入大量汗水嘅運動進軍殿堂。而近年潛心舞蹈教學嘅 狄易達 同香港霹靂舞代表 曾子驊  (B-Boy Think)，就於一個商場舉行示範賽，吸引近200名大小舞者參與。

達仔同B-Boy Think一齊到商場參與推廣霹靂舞

狄易達同曾子驊仲即場Dance Battle，又帶領全場觀眾擺出霹靂舞經典Freeze Pose，兩人又於現場講解霹靂舞嘅賽制，增進公眾對街舞了解。曾子驛話：「我由細到大都很鍾意聽唔同類型音樂，亦因為音樂而開始接觸霹靂舞舞。我覺得霹靂舞可以將身體配合在音樂裡面，係一種藝術。」

達仔話跳舞令自己更有毅力，亦經過刻苦訓練先有成果

而達仔就話：「雖然今年已經35歲，但好想一直跳霹靂舞，霹靂舞改變我好多，我以前三分鐘熱度，但跳舞刻苦訓練令我變得有耐性，做到不同的動作令我獲得成功感。」

呢日大批舞者齊齊參與活動，非常熱鬧