台北大巨蛋上年12月正式落成,至今都以運動賽事為主,日前有消息指場館已經通過消防安檢,最快11月尾就開放舉行演唱會,消息一出,邊個有機會成為首位喺台北大巨蛋開騷嘅歌手即刻引起熱烈討論,目前最有可能搶得頭香嘅人馬有三組,包括五月天、周杰倫同張惠妹。周杰倫早前出席活動已公開向台北市政府喊話,稱自己好恨喺大巨蛋開騷。
周杰倫早前出席活動已公開向台北市政府喊話,稱自己好恨喺大巨蛋開騷,為咗配合大巨蛋開放檔期,仲特登空出兩個月空檔,其實周杰倫唔係得個講字,佢嘅巡演安排暫時只到10月,完成馬來西亞演出後就冇任何巡演安排,對照大巨蛋最快11月尾開放演唱會嘅時間點,周杰倫好有機會搶得頭香。張惠妹同樣對大巨蛋展現高度興趣,盛傳張惠妹計劃舉行跨年騷,而且連開四場。
而張惠妹同樣對大巨蛋展現高度興趣,佢嘅經理人陳鎮川回應:「持續跟場地保持聯繫,也在等待他們可以租用場地的通知,目前還無法確定。」不過業內盛傳張惠妹計劃舉行跨年騷,而且連開四場,以大巨蛋一場演出最多容納接近六萬人來計,如果成事,到時總共有接近24萬人同張惠妹一齊high爆大巨蛋。年年都開跨年騷嘅五月天,據知原本有意爭取大巨蛋跨年檔期,不過可能因為太多不確定因素,最後選擇放棄。
而年年都開跨年騷嘅五月天,據知原本有意爭取大巨蛋跨年檔期,不過可能因為太多不確定因素,最後選擇放棄,有傳五月天今年跨年騷將會喺桃園舉行,主音阿信15號晚喺社交平台寫到「5525年底見」,即刻有大批粉絲留言話好期待。另外阿信仲預告因為腰椎受傷而暫時請假嘅結他手石頭,將於9月武漢場回歸。有傳五月天今年跨年騷將會喺桃園舉行。
另外,仲有唔少歌手都被粉絲點名,期待佢哋可以喺大巨蛋開騷,包括蔡依林、蘇打綠、伍佰、Hebe田馥甄等,而喺台灣擁有大批歌迷嘅劉德華、張學友、陳奕迅,同樣呼聲好高。