張智霖稱拍打戲身手好過以前 袁詠儀怕鬧交拒夫妻檔拍劇

張智霖同袁詠儀夫妻檔現身代言活動，Chilam同Anita相愛多年，仍然表現恩愛，相隔二十多年再合體揾外快，Anita話感覺好新鮮，但係問到兩人會唔會一齊再拍劇？佢哋就異口同聲話「唔好﹗」Anita講笑話當兩個人都覺得自己好嘅時候，就會有好大問題，在旁嘅Chilam即刻插嘴話：「唔係，係會帶咗一啲情緒回現實生活，好似拍戲時係鬧緊交，返到屋企就會覺得面阻阻，感覺好奇怪。」
張智霖同袁詠儀夫妻檔一齊出席代言活動。
Chilam同Anita早前分別喺橫店及馬來西亞拍戲，Chilam要喺四十幾度下拍古裝戲，雖然天氣好熱，但係佢就覺得拍攝過程好有滿足感，事關佢發覺自己喺應付打戲時，身手比以前更好，Chilam話可能因為自己瘦咗，所以身手都靈活咗。而Anita話Chilam未拍前的確有啲擔心，但係原來上到場，自己嘅狀態係咁好，所以Anita都叫Chilam「要相信自己，你係得嘅！」。

至於Anita就話自己喺馬袁詠儀早前去咗馬來西亞拍戲。來西亞拍戲時食咗唔少好嘢，仲發福咗唔少，再加上佢話工作人員好尊敬佢，經常稱呼佢「媽媽」，令佢感受到備受寵愛。
到底講緊咩，令靚靚露出呢個驚訝樣？
八月同九月係Chilam同Anita兩公婆嘅生日，佢哋話一切會化繁為簡，Chilam話彼此慶祝咗咁多年，已經無咩禮物要送，所以只係會簡單食餐飯，Anita仲透露佢哋今年會搬新居，所以佢話寧願將金錢、時間都放晒喺呢度，希望有更舒適快樂嘅生活，而Chilam亦透露生日正日會休息，同喺澳洲返嚟嘅家人食飯，珍惜每個相處時刻。