法證先鋒VI｜袁偉豪與傅嘉莉劇透發展甜蜜 收視報捷總監製鍾澍佳分享喜訊

劇集《法證先鋒VI倖存者的救贖》劇情充滿探索同懸疑，受到觀眾熱捧，劇中一眾演員袁偉豪Ben、傅嘉莉Kelly、蔣祖曼Jolman、林正峰、郭珮文Julianna等呢日現身商場宣傳被粉絲包圍，井Sir同Nana更走到台下同佢哋近距離互動。喺台上氣氛同樣熱鬧，一對對拍檔喺隔住foamboard玩問答遊戲時，差啲就咀到對方，令觀眾睇得好興奮。

《法證先鋒VI倖存者的救贖》收視報捷。
不過令演員最鼓舞嘅必定係劇集收視成績，劇集總監製鍾澍佳特別現身同演員們分享喜訊及打戲，《法》劇獲得翡翠台黃金時段節目收視冠軍、觀眾人數達161萬、截至8月21號為止，7天誇平台收視有24.8點，而喺內地一個平台更獲得2.5億點播率，成績斐然，台前幕後聽到消息都好開心。

蔣祖曼於劇中飾演國際名模。
劇情圍繞查案之外仲有家族同感情線，演豪門公子鄭衍峰嘅名媛媽媽林漪娸一直只聞其名未見真身，佢將會喺下星期正式登場。而Kelly就會由情緒擔當成日喊變成同Ben有甜蜜發展，稍後有場戲Kelly會邀請Ben一齊參加珠寶設計比賽，兩人甜蜜由此起。雖然係咁，但Ben嘅無寧兩可態度就會惹人發脾氣，連佢自己講起都忟自己呀﹗不過拍攝呢啲甜蜜溫場面時就令Kelly好怕醜。

Kelly話同袁偉豪拍甜蜜溫場面時感到好怕醜。
Ben同老婆張寶儀日前抱埋囝囝圓咕碌影咗輯家庭照，相中兩夫妻都輕露身材，尤其Ben嘅一身爆肌成為亮點，佢話影相前都有所準備，加緊做運動同飲食控制先有呢個效果，希望可以好好留念，一講到圓咕碌Ben就笑到好心甜。

林正峰
飾演王敏奕細佬嘅馮皓揚喺劇中演活自閉症角色，擅長喺屋企上網搵到唔少破案關鍵，嚟緊佢會衝出家門，涉及一宗大案件，仲會有肉搏戲，佢更劇透將會有神秘人登場。

馮皓揚喺劇中演活自閉症角色。