江美儀獲梁洛施莫可欣賀生日 林敏驄口花花問幾多歲

江美儀一向作息及飲食習慣健康，早早就培養出優質嘅養生之道，今佢喺容貌上堪稱凍齡美人，又有江美人嘅花名。嚟緊9月20號美儀姐就踏入53歲生日，近日慶生活動開始展開，見美儀姐率先同好友梁洛施Isbella及莫可欣共聚切蛋糕，美儀姐捧住蛋糕開懷大笑。

美儀姐獲好友梁洛施提早慶祝生日，見佢捧住蛋糕開懷大笑。
素顏嘅Isbella及可欣就分別攬住美儀姐送上愛的抱抱同祝福。雖然美儀姐同Isbella相差成十七年，但喺相中完全唔覺兩人有呢個年齡差距，最緊要係同樣流露真摯愉快嘅笑容。

江美儀同莫可欣係多年好友，閒時亦會相聚。

9月20號美儀姐就踏入53歲生日。
見到美儀姐咁開心，即刻有大批圈中好友包括姚子羚、胡杏兒、胡蓓蔚、陳自瑤、黃翠如等等送上福賀，而喺《下流上車族》同美儀姐飾演夫妻嘅林敏驄就發揮多口本色，口花花公開問美儀姐幾多歲呀？機智嘅美儀姐就速回：「細你小小咁啦﹗」單睇對話已經充滿對嘴嘅畫面，收穫唔不少笑容Emoji。

美儀姐又忙於扮靚現身啱啱完成嘅《2024香港小姐競選》之夜。
除咗忙慶生之外，美儀姐又忙於扮靚現身啱啱完成嘅《2024香港小姐競選》之夜，更上台分享以及頒發「才藝女神」獎項給14號楊梓瑤。

美儀姐頒發「才藝女神」獎項給14號楊梓瑤。