莫鎮賢 同 何婉盈一齊為12月舉行嘅演唱會綵排,除咗Elanie之外,Kan仲邀請咗好友文佩玲、李樂詩同李泇霖擔任嘉賓,不過當佢設計出場次序時就突然被考起,好彩最後都靈機一觸解決咗,而四位女性仲會合力演出串燒歌,Kan同Elanie就會作歌舞演出。
莫鎮賢同何婉盈12月將會開騷
Kan希望透過演唱會傳遞開心訊息俾觀眾,但當中有一個演出環節令佢多番考量,已故好友黎明詩今年3月時因不敵癌魔病逝,黎明詩生前曾為Kan一首歌曲拍攝MV擔任女主角,亦成為黎明詩遺作,因為顧及到她親友及各方面,作品遲遲還未推出,而Kan事後才知道黎明詩為他拍MV時已經癌病復發,自己都好傷心,幸好時日漸過,獲得黎明詩親友允許,會將呢個美好回憶MV喺開騷當日首播,Kan亦會親自獻唱作品,Elanie更稱讚黎明詩喺今次演唱會第五位女神。
佢哋早前已經開始綵排
莫鎮賢仲會公開黎明詩嘅遺作