紅豆｜潮州怒漢任達華齋鬧子女 家中劇變成Stephy Jeffrey成長契機

由九龍城一間舊式糖水舖作故事主軸嘅電影《紅豆》發佈最新宣傳片，新片將上一代對人對事嘅傳統觀念、思想與執着，同現今女性面對愛情、親情、事業的選擇，兩代人嘅磨合同遷就作真摰描寫。

《紅豆》以祖籍潮州嘅老竇任達華同傳統糖水店帶出
任達華 同 鄧麗欣 戲中飾演一對潮汕父女又愛又恨，Stephy犧牲畢生夢想工作協助家業，但就未獲父親讚賞，反而只得惡言相向。而作為母親嘅龔慈恩為家庭無限供暖，更係平衡家庭嘅重要角色。而幸福代表嘅孻子 魏浚笙 遭遇家庭突變又會點成長應對？ 

媽媽龔慈恩居中成為老公同子女之間嘅溫暖所在

《紅豆》以任達華主理嘅舊式糖水店為主軸，人與物嘅情懷、成長、傳承、寄望都喺店鋪發生，電影團隊更喺勝利道一咖啡店重置電影中糖水舖場景，展出拍攝用嘅糖水店檯櫈，戲中華哥載住Stephy同送外賣嘅單車等，供影迷觀眾打卡留念。

故事細訴Stephy放低理想傳承家業嘅心態轉變

 電影早前已獲2024中美電影節「金天使獎」與及2024倫敦東亞電影節閉幕電影，由 任達華、鄧麗欣、魏浚笙、龔慈恩、朱鑑然、方平、馮素波及盧慧敏等參與演出嘅《紅豆》將於2月27日全線上映。