電影泉攻略｜游學修鍾雪瑩新戲演聽障角色 阿修與童年角色餅印撞樣丨EP143

今個星期繼續由王鎮泉Jeoffrey同大家介紹最新嘅電影動向，特別邀請新戲《看我今天怎麼說》嘅主演游學修Neo及影后鍾雪瑩訪談，兩人喺戲中全程以手語演釋，阿修提前一年為角色做準備學習手語，初學時當然有難度，但慢慢掌握之後再配合對白，最終都可以流暢演釋。而鍾雪瑩則認為聽障人士好多口語表達比平常人更叻，好似戲中小演員鄭進希雖然係聾童，卻表達自如。
游學修 同 鍾雪瑩 喺電影《看我今天怎麼說》中飾演聽障人士。
小演員進希喺戲中飾演阿修童年角色，人人都話佢哋好似樣，連阿修都神奇都覺得相似，當阿修將自己童年照片俾進希睇時，進希就話明白點解導演會佢參演，進希為咗配合阿修用左手習慣，特意將自己做手語嘅方向對調遷就，好彩本身佢識手語，相對嚟講唔算太難。
游學修
本周電影新片速遞有《看我今天怎麼說》講三位赤誠嘅聾人青年，子信來自聾人家庭，世界從來無聲音，雖然生活充滿障礙，但用手語活出自信。素恩細個植入咗「人工耳蝸」，而且艱辛學習口語，即使講嘢帶住口音，仍然好努力地去做別人心目中嘅「正常人」。Alan亦用人工耳蝸，口語能力同素恩相若，亦懂得手語，係子信嘅莫逆之交；佢認為聾人應盡力同唔同人溝通，開拓世界。友情令三人連上，撞得彼此遍體鱗傷，引領住大家去尋找自我。
鍾雪瑩
《哪吒之魔童鬧海》講中國影史上首部破百億票房電影，目前唯一一套非荷里活電影進佔全球影史票房榜頭十位的嘅電影，故事講述天劫之後，哪吒、敖丙嘅靈魂雖然保住咗，但靈魂好快會魂飛魄散。太乙真人打算用七色寶蓮幫二人重塑肉身。但係喺重塑肉身嘅過程中就遇到重重困難，究竟哪吒、敖丙嘅命運將會走向何方呢？

《童話睇硬了》講決心成為童話作家嘅丹妃打算一邊做公務員、一邊實現佢從小嘅夢想。點知新工原來要審查網絡上一切18禁：冇格鹹片、禁忌甜故通通都要睇！滿腦都係童話嘅丹妃，意外得罪甜故網站腦細，被迫幫佢寫甜故嚟還債，點知無意中打開咗丹妃內心嘅色色開關，究竟之後會點收科呢？

截止2月19日中午，香港票房龍虎榜第3位《工作細胞》、第2位《唐探1900》、第1位《美國隊長4：勇敢新世界》。