中年好聲音3丨24強團戰下半場分數再創新高 黃博獲老公撐場打氣充滿力量

《中年好聲音3》喺星期日2月23號晚，將會上演24強團戰嘅下半場，呢集由大魔王張與辰同首創《中聲3》最高分數舞台嘅陳芷盈帶隊出戰，而呢集有多位選手突破90分之外，其中一位仲突破芷盈之前創下嘅97分大關。
大魔王張與辰
賽前兩隊人馬都諗好出戰策略，張與辰話有信心，但唔會抱太大期望，因為唔可以輕敵。以自彈自唱出戰嘅羅逸軒都話有信心，因為自己唱歌有九成嘅時候都係個琴陪住自己，從而增添信心，同隊嘅李創偉話今次着多咗衫，包到實唔會除衫。善玥澄就解釋身上愛心襟章係因為隊名叫「有愛隊」，而隊友陳芷盈同王鄭浚仁等都話絕對有信心。
出戰前先打打氣。李創偉笑言今次着多咗衫。
總經理曾志偉喺呢輪團戰都有嚟探班，不過對大熱選手女大魔王黃博嚟講，有老公到嚟捧場，令實力超強嘅黃博，更加力量滿滿，原來呢日係黃博老公嘅正日生日，佢仲讚太太裝扮，話呢日係最靚嘅老婆，唱得好好，令佢好感動，佢仲話老婆一早同佢講會以好嘅演出，當作生日禮物，而呢份禮物係佢有史以嚟最好嘅禮物。
黃博老公都有嚟撐太太場。仲送上一吻作為生日禮物。