電影泉攻略丨任達華固執角色屬悲哀人生 鄧麗欣憶父女分歧戲心痛丨EP144

王鎮泉  每星期為觀眾提供最熱辣電影資訊，中外猛片專訪花絮上映時間全部集齊，「電影泉攻略」個個星期陪你睇新戲。
任達華 同 鄧麗欣 作客《電影泉攻略》。
任逹華同鄧麗欣作客節目分享拍攝新戲《紅豆》嘅點滴，華哥飾演承傳由爺爺同爸爸製作紅豆沙傳統工藝嘅老嘢，個性固執，而Stephy就飾演被冷落嘅女兒。華哥形容自已嘅角色好悲哀，因為被傳統工藝去困住一生，跟社會及家人關係完全脫節，佢覺得大家欣賞時可以感受吓點解一門傳統工藝會衍生呢種問題，因為佢唔能夠似喺電影圈工作嘅人，可以跟年輕一輩導演及演員合作而創作出新穎意念。戲中就係因為Stephy所演嘅囡囡令華哥慢慢接受新一代方式，去令傳統工藝得以改變。
鄧麗欣
戲中兩父女意見分歧不斷，華哥話自己角色太固執，雖然囡囡明白自己，但礙於長幼關係而唔能夠出聲，Stephy話戲中無乜嗌交場口，因為父威太嚴重，佢作為女兒無得發表意見，而當中有一幕想幫屋企又被父親誤會戲份，Stephy話嗰種痛令佢好深刻，引伸現實中可能一啲家庭誤會，只係源自於小小意見不合而起。
任達華
本周新片有：
《紅豆》講九龍城粵式糖水店「張興記」由張興夫婦三十年前白手興家而成，自從太太中風變成植物人開始，一家陷入混亂，倔強大女唔忍心父親操勞，辭職返舖頭幫手，但大男人嘅張興唔領情，又適逢九龍城重建，收樓令糖水店面臨結業，究竟張家應該何去何從。
電影《紅豆》片段
《諾斯費拉圖》講即將結婚嘅年輕女子被鬼附身，而迷戀佢嘅係隻可怕吸血鬼，呢份癡戀造成難以言諭嘅恐怖，而女子又會唔會向黑暗屈服呢！

《艾美利亞變奏曲》講懷才不遇嘅律師麗妲，意外地接到心狠手辣嘅販毒集團首腦委託，協助佢實現一個改變人生嘅願望，就係要無論心靈同身體都要徹底變成一位真正女性，麗妲傾盡全力去實現呢個毒王嘅女人夢，令佢變成艾美利亞。

《當愛被遺忘時》講兩兄妹同母親喺家鄉經營一間麵館，由於母親患有阿茲海默症，兄妹之間衝突越嚟越嚴重，佢哋經常出言互相傷害，而唔係給予愛嘅機會。如果可以俾一個機會你，重返現代社會，人們更睇重個人嘅獨立同成功，唔係自己家庭，家庭同愛嘅真正意義又會點呢！

《莎莉》講雞農婦惠君同細佬偉宏一齊管理雞舍，某日姪女擅自喺惠君手機安裝交友app，仲改名叫「莎莉」。唔識英文嘅惠君喺app上認識法國人馬丁，佢哋喺雲端談起一場異國戀曲。但大家都指馬丁一定係騙子，於是惠君決定親自去巴黎一探真偽。

今個星期嘅票房，截至2月26號中午，第三位係《美國隊長4：勇敢新世界》，而第二位係《看我今天怎麼說》，票房冠軍就係《哪吒之魔童鬧海》。