王君馨挺住巨肚照跳舞 與圈中四閨密開台搞節目狂料

去年12月宣布成功懷孕嘅王君馨，同衛蘭Janice、衛詩Jill、鍾舒漫、鍾舒祺四位好姐妹一齊搞咗個名為「Better Together」嘅 Podcast，分享佢哋自己嘅故事、信仰同大家之間嘅友情。
王君馨挺住巨肚同四位好姊妹一齊跳舞。王君馨去年12月宣布懷孕。
暫時佢哋個Podcast出咗三集，分別係「背叛VS寬恕」、「女生談戀愛」同「你未曾了解的我們」，每一集都相當Juicy，當中佢哋有分享自己最差嘅戀愛經驗，Jill就指曾經有一位男友，因為好想體驗「膝上舞」，但因為當時佢呢位女友喺身邊嘅關係，所以男朋友就叫Jill全喺自己大髀上，同佢一齊enjoy呢場「膝上舞」，而喺最新一集「背叛VS寬恕」入面，Janice仲分享咗佢小學同人隻揪嘅經歷，在場幾位閨密都聽到O晒嘴。唔少網民睇完佢哋嘅片之後，都讚佢哋嘅Deep talk可以令觀眾更了解到呢5位女生。
Janice自爆曾經同人隻揪。Jill分享自己一段最差嘅感情史。
日前佢哋喺社交平台就PO咗條新片，不過就唔係Podcast嘅傾談節目，而係佢哋嘅搞怪跳舞片。曾喺真人騷《舞動奇跡》第二季中贏得冠軍嘅舞后王君馨，雖然挺住個巨肚，但依然無阻佢做出扭腰等舞蹈動作，難怪網民睇完都留言讚，仲話想跟佢學跳舞添呀！
曾經喺感情中受重傷嘅鍾舒祺，指好感恩可以遇到現時嘅老公。