鄧麗欣首個紅館個唱揭開序幕 林峯現身對唱《好心好報》掀高潮

鄧麗欣 一連三場紅館個唱3月14號晚正式開鑼，呢次更係Stephy首次喺紅館開騷，佢嘅圈中好友張繼聰、謝安琪、陳詠燊都有到場支持。Stephy唱出《再見不是朋友》、《不要離我太遠》等勾起大家回憶嘅金曲，令紅館變萬人K房。

Stephy紅館個唱星期五晚展開
最令大家驚喜嘅就係5月底會喺紅館開騷嘅 林峯 以嘉賓身份現身，同Stephy對唱《好心好報》引發全場哄動。除此之外，阿峯演唱自己嘅快歌《CHOK》，為5月個唱踩台板預熱。阿峯雖然驚訝Stephy會請自己做嘉賓，不過收到邀請時即刻一口答應，事關佢哋無論喺音樂定戲劇，咁多年嚟都冇試過合作。
林峯應邀擔任嘉賓，不過笑言同Stephy未曾合作

最好笑係，當Stephy表示自己同阿聰同期出道時，阿峯態度驚訝話：「阿聰唔係童星咩？」Stephy就即刻表示：「童星唔計。」