陳曉華幸福收阿嫂花球 與緋聞男友朱敏瀚戀情發展再受關注

恭喜恭喜！陳曉華（Hera）家有喜事，日前Hera喺社交平台分享多年閨密要升級做自己「阿嫂」嘅好消息！3月17日，Hera就出Post放出多張參加阿哥阿嫂婚禮嘅照片，圖中可見Hera一臉幸福捧住花球。

Hera喺社交平台放出多張參加阿哥阿嫂婚禮嘅照片，圖中可見Hera一臉幸福捧住花球。
Hera喺拋花球環節已企開一二邊，期待花球拋到下一位準備結婚嘅姐妹，大聲同新娘講向中間用力啲拋。點知阿嫂忽然轉身一直行過嚟佢呢邊，最後將花球交畀Hera，送上祝福並話「差你一個咋」，Hera收到呢份窩心又貼心嘅禮物，既驚喜亦感動，Hera好多謝身邊嘅朋友一直都愛錫自己，無論喺病定係工作嘅時候，均有朋友們照顧同愛護。 

阿嫂忽然轉身一直行過嚟佢呢邊，最後將花球交畀Hera。

Hera近年一直傳出同朱敏瀚拍拖嘅消息，上年更一度傳出二人已同居兼見家人，仲有可能會閃婚，二人卻從未承認戀情，呢次Hera收到花球，不禁令大家聯想會唔會別有意思，下一個好事將近嘅就係佢？

Hera近年一直傳出同朱敏瀚拍拖嘅消息，上年更一度傳出二人已同居兼見家人。
Hera稱收花球係有幸福傳承嘅意思，Hera喺文末表示：「得到花球，有一種說法係可以『免除厄運』招來幸福、幸運嘅意思。多謝呢位新娘子 將幸運祝福給了我」亦感謝另一位好友喺三年前出嫁前同樣向自己送出花球，希望往後日子都繼續幸運快樂。

Hera稱收花球係有幸福傳承嘅意思，有一種說法係可以「免除厄運」招來幸福、幸運嘅意思。