鍾嘉欣多謝老爺請全家歐遊 盼做林峯個唱嘉賓合唱《心領》

久未返港嘅鍾嘉欣日前現身一個品牌活動，剛剛結束完廿幾日歐遊之旅嘅嘉欣心情大好，神采飛揚，佢就話有呢趟Trip因為老爺80大壽，所以老爺、奶奶請晒全家一齊玩返轉。而喺呢趟行程中，令嘉欣感到難忘就係同老公偷偷離隊去一個小島參觀，大讚當地人時刻將笑容掛喺臉上，氣氛歡樂。

嘉欣近日返港出席活動，剛歐遊完嘅佢精神十足
 
下個月嘉欣要喺廣州舉行個唱，嘉欣完全唔敢相信門票開賣即秒殺。因為喺正式售票前，嘉欣曾質疑自己嘅人氣，如今門票銷情理想，嘉欣亦要準備閉關排練。

嘉欣仲有唔夠20日就開騷，呢日仲話希望可以同林峯再合唱
 
林峯即將喺9月開澳門騷，嘉欣唔只想睇騷，原來佢仲好想同阿峯合唱《心領》，重現當年《溏心風暴》螢幕CP嘅「沒有常在心的日子」經典一幕，嘉欣開到聲，唔知阿峯會唔會真係實現佢呢個心願呢？