陳慧琳笑言有飛債係好事 指成功邀請張敬軒做嘉賓

陳慧琳Kelly、張敬軒及周興哲Eric呢日現身品牌活動，Kelly今年將會舉行入行30周年演唱會，屆時唔只唱昔日經典，仲有好多滄海遺珠嘅作品都會一一登場，而跳唱同嘉賓部分亦係焦點之一，Kelly就話一啲舞蹈嘅秘技，如果練得好嘅話到時會獻吓醜，至於嘉賓方面佢就話成功邀請咗軒仔做佢第一位嘉賓呀！

陳慧琳指有飛債係好事。
Kelly曾講過蝦餃仔問佢拎簽名返去畀同學，問到今次演唱會有冇要求訂飛？佢就話有啲家長有問過，而自己會留定啲靚位畀家長們，佢仲笑指有飛債係好事，可以開多幾場。
張敬軒喺新年假期成日都瞓到大昏迷。張敬軒、周興哲
軒公喺農曆新年放足兩個星期假，仲不時喺屋企大昏迷，嚇親屋企嘅姐姐，軒公就話可能自己太攰，以往點會做啲家務，但而家返屋企只想做個廢人，軒公仲話畀媽媽笑佢好似jelly fish，每次見佢喺屋企必定係攤喺度。
Eric笑言因為要賺奶粉錢，所以要好好工作。
上月Eric嘅囝囝出世，而家有一仔一女嘅佢就話相當幸福，佢又指而家自己唔捨得外出工作，想返去抱一對小朋友，但要賺奶粉同尿片錢，所以佢要好好工作。