楊茜堯胡定欣重演經典藐爆「撞膊事件」 兩大視后狂飆演技震撼網民

兩大視后楊茜堯、胡定欣因一次「撞膊事件」而喺十幾年嚟一直被不和傳聞。事件發生喺2010年嘅《萬千星輝頒獎典禮》，茜堯被指用膊頭撞向定欣後，露出藐爆表情，當時茜堯更轉向身旁嘅徐子珊，二人傾得開心，而定欣就好似瞄咗茜堯一眼，就係呢個經典一幕，成為網上廣傳嘅表情包。

茜堯同定欣拍攝內地網上綜藝節目《藝員新訓2025》，並喺情境劇中重現「藐爆」一幕。
傳聞多年以嚟傳得似層層，不過上年茜堯接受TVB娛樂新聞台主播潘盈慧《星光路上》訪問時就主動重提舊事，解釋當日真相，話當時聽到身邊嘅徐子珊話凍，之後先做出呢個表情，澄清與定欣「不和」一說。近日茜堯更同定欣齊齊拍攝內地網上綜藝節目《藝員新訓2025》，並喺情境劇中重現「藐爆」一幕。

2010年嘅《萬千星輝頒獎典禮》，茜堯被指用膊頭撞向定欣後，露出藐爆表情。
劇情講述定欣係一個初次演戲就獲提名視后嘅新人，佢同茜堯喺化妝間相遇時禮貌打招呼，又讚茜堯呢位前輩唔帶助手，夠曬「貼地」，而茜堯此時一個不屑眼神瞄過去，台詞話裡帶骨，更不失霸氣威脅，藐爆兼冷嘲胡定欣。

楊茜堯首度開腔回應14年前被指批㬹胡定欣事件 。
呢一幕令網民大讚二人演技出眾，紛紛留言稱「楊怡那眼神，瞟過來，就顫抖了」、「感覺真的有一個大佬在旁邊」，有網民提議TVB開拍劇集讓楊茜堯同胡定欣好好鬥戲。

劇情講述定欣係一個初次演戲就獲提名視后嘅新人，佢同茜堯喺化妝間相遇時禮貌打招呼。

有網民提議TVB開拍劇集讓楊茜堯同胡定欣好好鬥戲。