海兒為珠寶展行騷獻聲 情人節收到珍貴禮物

海兒以一身華麗服飾出席珠寶展，兼且擔任模特兒示兩套總值數千萬嘅翡翠首飾及紅寶石首飾，見慣大場面嘅海兒行騷時非常淡定，展現優雅感覺，更高歌為展覽助興。海兒自言平時佩戴首飾都係有贊助，有些是媽咪代為購買或借用媽咪首飾佩戴。

海兒呢日示範首飾之餘，亦即場一展歌喉
講到剛剛過嘅情人節，海兒就話收到一份珍貴禮物，就係領養咗一隻小流浪貓，佢覺得係上天畀佢嘅禮物，加埋原本自己屋企一隻，媽咪家的一隻，已經養了三隻貓。
情人節佢收養一隻貓仔作為最佳禮物

日前佢就喺社交平台徵詢意見，希望大家為佢稍後推出新歌後，成立嘅後援會及粉絲改名，海兒話收到好多搞笑嘅提議，當中較為鍾意「海豚」同「海獅」，因為自己鍾意動物。

準備開設Fan Club嘅佢，指收到唔少搞笑建議