謝霆鋒社交平台宣布好消息 四月個唱成功加開一場

相隔廿多年即終於會再喺香港再次舉辦演唱會嘅 謝霆鋒 ，原先宣布嘅兩場演出完全未能滿足歌迷需求，唔止外傳門票癲價炒至十多萬，仲連父母同身邊好友都叫苦連天，話為撲飛好苦惱。霆鋒就再宣布好消息，成功爭取到加開一場，而今次喺啟德全新場館開騷，仲會帶畀大家視聽上嘅唔同體驗。

霆鋒宣佈啟德演出將加開一場

搶飛熱潮就連四哥同拉姑要飛都無從入手
霆鋒指見到大家反應咁熱烈，佢都話好感動，而今次對於佢嚟講唔只係一個演唱會，而係同大家一齊見證香港啟德場館啟動嘅歷史性時刻，亦係香港演唱會文化嘅另一次「進化」。佢話為免令擔心撲唔到飛嘅歌迷失望，今次爭取加開一場，之後會繼續爭取，喺將來再安排更多場次，盡量滿足大家，希望大家唔使花唔合理價格去買飛。

霆鋒話希望盡量滿足歌迷需求，又呼籲大家經合法途徑購票