TVB團拜｜主席許濤夥管理層與逾千職員同樂 財神安德尊狂派金至受歡迎

TVB今日舉行新春團拜嘉年華，化身財神爺嘅大王 安德尊 ，帶領兩位年輕見習財神，向逼爆一廠嘅一眾同事派金派福氣，寓意新一年大家旺到爆。現場除咗逾千位同事在場之外，主席許濤同一眾管理層，仲有三位應屆港姐亦都有與眾同樂，齊齊大玩唔同遊戲攞個好意頭。

TVB團拜一眾同事參與非常熱鬧

財神出動最受大家歡迎
現場又有金龍同醒獅增添氣氛，而 許濤 亦向同事發言，指希望今年大家繼續團結，投入製作更多好節目，各部門亦應互相體諒同了解工作範疇，相互配合達致更高效率。
主席許濤與眾同樂，亦向一眾同事打氣鼓勵

最受全場同事歡迎嘅三位財神，唔止一直狂派金幣，又主持Bingo遊戲，許濤仲率先中獎，事後佢哋就話見到同事開心就最高興喇。而獎門人志偉亦在場一直向同事派金元寶糖果，又話希望公司同各位同事都好運連連。

三位應屆靚女港姐亦成為唔少同事嘅集郵對象

志偉呢日再化身獎門人頒獎予得獎同事